Sveitasæla eða kuldaboli, brrr

Jæja, ég er flutt upp í sveit en geri lítið af því að elta geitur. Ég og minn heitt elskaði unum vel í sveitasælunni,,, mætti reyndar halda að það væri vetur ennþá en við erum svo heppin hérna á Íslandi að vita aldrei við hvernig veðri á að búast, bara allt í einu kemur snjóstormur og svo allt í einu sólskin, bara hægt að hafa gaman af því, hehe. Mikil vinna framundan í sumar, svo það verður reynt að nýta helgarnar í eitthvað vel valið hnossgæti og jafnvel eilítil læti ;)
Bloggleysið stafar því ekki af leti heldur vegna skorts á tengingu við veraldarvefinn. Svoddann sambandsleysi í sveitinni en það gerir manni líka gott, hehe og bara notalegt að finna smábæjarstemminguna á nýjan leik.

Festi kaup á miðum á tónleika með DAVID GRAY þann 1. júlí og vá hvað ég hlakka til, :) Þeir koma í staðinn fyrir tónleikana með Madonnu í Horsens í ágúst ;) híhí.

Ástarkveðjur og ég hlakka alveg ógurlega til að hitta hana Silju mína sem er að koma heim frá Sverige, jätte bra.

Skvísan

Yndislegu próf

Ég er komin á dagdraumaflug,
læt mig dreyma um heima og geima
en þó mest Danaveldi.

Tvö próf búin og tvö eftir... you go girl, jejejeje um að gera að peppa sjálfan sig upp af fullum krafti. Það er gaman í prófum, þegar maður kann námsefnið og er búinn að læra ótrúlega vel. Vildi að það væri alltaf tilfellið hjá mér ;)
Það styttist ískyggilega mikið í að ég flytist ásamt ástmanni mínum upp í sveit. Þar ætlum við að una vel í sumar við bústörf og hreinsun á mjaltavélum. Jæja kannski ekki alveg en svona næsta við. Ég hlakka ógurlega til sveitasumarsins mikla og ég ætla að njóta þess að vera sveitó út í gegn. Ekki það að ég sé það ekki yfirleitt, en maður getur alltaf á sig blómum bætt :)

Kveðja með fullt af ást,
skvísan

Prófatörn í algleyming

Lærdómurinn er kominn á fullt og prófin bíða, vá hvað það er gaman ;) vildi að ég hefði ögn meiri tíma til undirbúnings....
Þrátt fyrir stífan lærdóm fór ég á æðislega tónleika á laugardagskvöldið með Garðari Thór Cortes og Katherine Jenkins. Vá, það var svo fallegt, verst að ástin mín var ekki með í för... Mér var því skipað í sæti á milli tveggja eldri kvenna sem höfðu bónda sinn við hlið sér. Ég sat þarna með tárin í augunum og hugsaði með mér, vá hvað lífið er fallegt.
Já svona er þetta, mig langar bara að gróðursetja plöntur og týna blóm í vasa, nú eða í poka ef magnið er mikið. Mér gengur svona vel að læra, farin að hugsa um trjáplöntur- best að fara að koma sér að lærdómnum.

Gleðilegan maí
skvísan

Naglaspýta

Í gær steig ég á nagla, berfætt og nýkomin úr sturtu.
Mig hefur alltaf langð til að prófa að stíga á nagla, en það er ekki eins að gera það viljandi, er það? Ég gerði það alveg óvart, ég vissi ekki að það væri nagli á spýtu á gólfinu hjá mér. Nú er ég með kopar pening á sárinu, undir plástrinum. Það eru víst gömul húsráð, að koparinn dragi til sín drullu úr sárinu ef einhver er.
Alltaf er maður að læra eitthvað nýtt :D

Ást, skvísan

Rauðu ljósin.

Hverju þjóna rauðu ljósin á vegljósunum?
Ja, maður spyr sig þar sem snarbilaðir ökumenn virðast ekki vita að það á að stoppa á rauðu ljósi!
Ég vildi að ég ætti risa göngu flautu, sem ég gæti flautað með á bílana sem að næstum keyra yfir mig á göngubrautinni hjá háskólanum oft í viku. Flautan mætti vera það hávær að hún myndi sprengja rúður í bílum....
Ég ætti allavena að vera fyrir löngu dauð, en ég gef mig og vík frá þegar ég sé bíl þeysast að mér því mér langar ekkert sérstaklega að verða fyrir bíl.
Við hin getum tekið okkur saman og farið eftir umferðarljósunum.

Var þetta ekki ágætt, go´ weekend.
Skvísan :)

Sundferðin...

Ég fór í sumarsund í morgun og varð vitni af þessu samtali;

G: Nei hæ, gaman að sjá þig.
D: Já þú hér, langt síðan að ég hef séð þig.
G: Varstu í lauginni.
D: Já, ég hef rétt misst af þér, ég fór í heitasta pottinn. Varst þú í liggju pottinum?
G: Já, það passar. Heyrðu varstu í sturtu?
D: Já, ég sá þig ekki.
G: Í hvaða sturtu varstu?
D: Æi, þarna í horninu, við hliðiná henni, nú?
G: Hvernig var vatnsrennslið hjá þér?
D: Bara ágætt, þegar ég var búin að blanda heitu og köldu, nú en hjá þér?
G: Já, blanda.. jæja, það var frekar lélegt rennslið hjá mér.
D: Í hvaða sturtu varst þú?
G: Í hinu horninu, undir glugganum.
D: Já, ég skil.
G: Rennslið kannski svona lélegt því það þarf að fara í hinar sturturnar fyrst, síðast í endasturtuna.
D: Já, það gæti verið, þú hefur fengið afgangsvatn!
G: Jæja best að ég klári að mála mig, (hvísl) ég er nefnilega single og þarf því að vera svoldið sæt, skiluru...
D: Skil þig, en þú ert alltaf svo sæt.
G: Ja, það er afþví að ég er alltaf máluð. (skellt upp úr) hahahaha.
D: Má ég kannski fá smá púður hjá þér, agalega gott púður sýnist mér.
G: Já, ég stal því.
D: Nú.
G: Já, þar sem ég var að vinna. Ég var ég var með svo léleg laun svo mér fannst ég eiga þetta skilið.
D: Já, segðu. Heyrðu eigum við kannski að fá okkur kaffi saman hérna niðri?
G: Já, er það líka frítt (það var frítt í sund í dag)?
D: Já, helduru að það sé, við getum þá rætt málin.
G: Endilega.

Haldiði að fólk sé bilað eða hvað...

Gleðilegt sumar, skvísan

Hósanna heisanna

Jahérna hér, ég er þá ekki dauð.

Það sem er undan á gengið hjá mér er að mig dreymdi John Locke kenningasmið um daginn og það vakti mig til umhugsunar á hinum ýmsu heimspekilegu kenningum sem ég fer ekki í nánar hér...

Ég hef gengið aðeins af göflunum undanfarna daga og veit ekkert hvað ég á af mér að gera.

Á ég að fara til Danmerkur í haust?

Á ég að læra eitthvað nýtt og spennandi?

Á ég að leika mér?

Hehe, það er víst úr nógu að velja og best að reyna að hafa gaman af þessu öllu, ekki satt ;)

Ég reyni að vera duglegri,,,,,

Ást

Dísa